على جسر المحبه
واعناق الوفاء
وروح الامل
وبين عبوس الايام
وبراكين الياس
يظل الصدق مايقربك من كل زين
ويعينك على قسوه كل شر او تخاذل
نعم بالصدق
تصنع وتمشي بكل شيء لااخره
نعم بالصدق تصنع العزيمه
وبالصدق
تاصل لما تبي لو بعد سنين
لاتغرك ضحكت من غرته الدنيا الزايله الكاذبه
واخذته ولد
والولد يطلع على ماربته امه
بالعربي الحب يطلع على بذره
اقولها لكم
الصدق يصنع القلب الصادق
والقـــلب الصــــادق عـــمره مايخـــــاف
نعم لو داسته حوافر عيال الدنيا واعوانها
لاتحيد عن الصدق
وان وصلت لطريق مجبر تكذب لاتكذب التزم الصمت
وان ماسعفك الصمت
انطقها بكل قوه وكل الصدق دام الموقف والوقت جبرك
لاتخاف دام بيمناك سيف الصدق ياصاحب القلب الصادق
لايغرك من اغتنى اوامهلته الايام
وتحسبن بكثره ايامه هو الاحسن
ولانه باقي لانه هو الصح
لاتحسبن من تعاظم معه الجرح
هو الغلط مو الصح
هذا تمهله الايام عشان يتمادى بالكذب اكثر واكثر
لايدب الياس ويغرقك بطوفانه
وتعيش بوسط اوهامه واحضانه
اعرف ان الدنيا دنيه
وان الكذب مهواه
والصدق منجاه
حطه ببالك
دامك عايش فانت ساير برحله
لها بدايه
وبالاكيد لها نهايه
وش ترجي من شيء منتهي ومعروف
ليش تعيش لما هو زايل
فكر
وامعن النظر
وشف
كم شخص كان
والحين صار
بطيء النسيان
وين راح
هل خلد
اسال ولاتعيش وانت بس تضحك مع الدنيا
وبالاخر تضحك عليك
ليش وجيه وقت الممات سوداء
مظلمه
ووجيه بيضاء زي الشاش الابيض والقمر المنير
اجساد تنقلب كالعفن
واجساد كنها مطليه بمسك وعنبر
اسال وتامل
شف الطير يتعلى ويطير
ولاكن بالاخير يرجع لموطن عشه
ان عرفت الصح واتبعته فانت عايش الصدق بقلبك
وانفتح لكل خير بابك
وان تكابرت فاعرف انك عشت لدنيء
وبتموت دنيء
وان قلبك بينغلق حتى تحس بالحشرجه بوسط قلبك
فكر باسم الدنيا
واعرف من شنو مشتق
دقق بحروفها
وتهجاها
مره
مرتين
ثلاث
عشرين
وان عرفت
فعقلك بيهديك
لااي الطريقين تختار
العمر حلم
بيتدي بالنوم
وينتهي باول نظره من عيونك ساعه تفتحها
الدنيا دار ممر
والاخر يابعد قلبي لكل اخ اقولها دار مقر
انا بظلمه الليل
احاول انور هالقلب بكل نور من حسن مادلني فكري انوره
اناجي صفحتي
اناجي قلمي
واكتب مناجاتهم
بحبل فكري خواطر
على اي شخص لها قاريء وعابر
وانا بكلامي ماعلى اي شخص قاصر
بس الكلمه لها وقع
لو كانت حبر بورق
عشره الكذب ماتدوم
واي شيء يغصب الرب نهايته شنيعه
خلك بدنياك تضي شمعه
مو تطفيها
او تلعن الظلام
خل الامل ياقلبي يدب فيك
وخل الهنا يناجيك
رح لااخر الدنيا
تقدر تهرب من كل الكون
بس ماتقدر تهرب من نفسك او ضميرك
وان اعتراك بالتفكير وبين تقصيرك
لاتحزن دامك عايش
استدرك مابقى
اسعد من حولك ان ماكنت تقدر تبتسم او تسعد روحك
واخف بوسط قلبك جروحك
فالزمن كفيل بها ليش تطلعها
زي ماجابها الزمن
هو يقدر يمحيها
جفت حروفي
قبل ماتجف دموعي
بوسط شموعي
مادري
بس كلامي تلون
بكثرته الوان
كونت رسمه
جميله
اتمنى لقتت ابتسامه وانشراح
وسعاده من نظر لها
بس تدري
كتبت
كل حروفها بصدق
وماتوقع شيء صاغته الحروف بالصدق
يكون الا جميل
والجمال بدايته
ونهايته
.........................................
بقلمـــــــــي كالمعتااااااااااااااااااااااااااد
موضوع: والقـــلب الصــــادق عـــمره مايخـــــاف ... 
الأحد 8 مارس - 20:44:31